சற்றே உந்தன் தலை சரித்து
ஓரக்கண்னால் எனைப்பார்த்து
உதட்டைச் சுழித்து நீ திட்டும்
ஒற்றை வார்த்தையில் தொலைந்ததடி,
ஒடுக்க முடியா என் கோபம்........
அடங்கமறுக்கும் என் வேகம்
ஆளுமை எதிர்க்கும் என் தாகம்
எதிலும் வல்லவன் நானென்று
ஆர்ப்பரிக்கும் என் புத்தி-
எப்படி தொலைந்தது
இந் நொடியில்...
வரட்டும் இன்று கிழித்திடுவோம்
வார்த்தையென்னும் சவுக்கடியால்
திட்டம் பலவும் நான் போட்டு
தீவிரமாக மனம் முயன்றும்
தேவை மாறிப்போனதடி
தொலைவில் உன்னைக் கண்டவுடன்
உன்னை எந்தன் உடையாக்கி
சுவைமிகு மதுவை உதடிருத்தி
கிறங்கிய விழிகளில் எனைப்பார்த்து
இன்னும் என்ன வேண்டுமென்பாய்-
இன்னும் இன்னும் நீ யென்பேன்.
