செம்புலப்பெயல்நீர் போல

உனக்கும் எனக்கும்

 ஒரே ஊர்………….

                           வாசுதேவ நல்லூர்

நீயும் நானும்

ஒரே மதம்….

                           திருநெல்வேலிச்

                          சைவப்பிள்ளைமார்……

                           வகுப்பும் கூட…..

உன்றன் தந்தையும்

என்றன் தந்தையும்

சொந்தக்காரர்கள்

                         மைத்துனன்மார்கள்.

எனவே……..

செம்புலப்பெயல்நீர் போல  
அன்புடைநெஞ்சம் தான்  கலந்தனவே……மீரா.

அரசியல்

ஒன்றின் மேல் ஒன்றை குறி பார்த்து

எறிந்து குண்டு விளையாடினோம்

எவெரெவரொ வந்து எறிந்து

விளையாட 
நாமே குண்டானோம்.

                                                  மு.மேத்தா

வலி

வலியின் உக்கிரத்திற்கேற்ப

குழந்தை முடிந்தமட்டும் உரக்க அழுகிறது

நம் வயசிற்கு

நாம் அப்படி அழமுடியாது

தீராத வலியை

குழந்தை அழுதே தீர்க்கப்பார்க்கிறது

நாம் தான்

அழும்பாக்கியத்தை இழந்து விட்டோம்

வலி கண்ணீராய் கரைய கரைய

குழந்தை அழுதழுது ஓய்கிறது

இன்னும் சிறிது நேரத்தில்

சிரித்து விளையாடத் துவங்கிவிடும்

நம்மால் தான் எதுவும் முடியவில்லை

வலித்தபடியே வலியிருக்க.........

-ஜி.எஸ் தயாளன்