நம் குழந்தை இழந்ததினி மீளா

பத்தடிக்கு பத்தடியில்

பட்டுமெத்தை நாமளித்து

பாலும் தேனும் கொடுத்தாலும்-தோழா

நம் குழந்தை,  இழந்ததினி மீளா

கருக்கலிலே முழுச்சதுமே

கம்மாக்கரை தேட  வச்சா அம்மாயி…

விளக்கெண்ணை வைத்தியந்தான் அப்போது-இந்த

விவரஞ்சொல்ல ஆ ளேது  இப்போது.

தண்ணிக்குள்ள மூச்சடக்கி

தவளையாட்டம் ஆடிபுட்டு

கஞ்சி குடிச்சு, நடந்ததொரு காலம்-இப்ப

காரு வண்டி, கார்ன் பிளக்ஸ்,… நாம எங்க போறம்?

சுட்டுத்தின்ன பனம்பழமும்,

சோளச்சோறும்,கம்மங்கூலும்

காட்சிப் பொரு  ளாகத்தானே ஆச்சு-சொம்புத்

தண்ணி வெல கேக்க சாவு விழுந்தாச்சு.

ஊரெங்கும் ஓடியாடி,

காடுமேடு யாவும் சுத்தி

ஊரடங்க நாமுறங்கப் போனோம்-இப்ப

வூட்ட தாண்டி போக யெடங் காணோம்.

ஆத்தா போட்ட சோத்தில

அப்புச்சி சொன்ன கதையில

படுத்ததுமே உறங்கிப்போனோம் திண்ணையில-அடுத்த

தலைமுறையே உருளுதிங்க  தண்ணியில.

சோளக்காடு,ஆலமரம், கேணி

கரும்புக்காடு, கடல காடு, ஏரி

அத்தனையும் ஆக்கிப்புட்டான் ப்ளாட்டா-இப்ப

அடுக்குமாடி திட்டம் வேற,     லேட்டா…..